2019 жылдың 1 қаңтарынан бастап импортталған тауарларды өткізген жағдайда шот-фактура жазып беру міндеті туындайды

      2019 жылдың 1 қаңтарынан бастап күшіне енетін Салық кодексінің 412-бабы 1-тармағы 5)-тармақшасының редакциясына сәйкес тауарларды, жұмыстарды, көрсетілетін қызметтерді өткізу бойынша айналым жасалған кезде мыналар шот-фактура жазып беруге міндетті импортталған тауарларды өткізген жағдайда салық төлеушілер.

       Сонымен бірге Салық кодексінің 412-бабы 13-тармағына сәйкес шот-фактураны жазып беру мынадай жағдайларда:

1) есеп айырысулары: -сатып алушыға бақылау-касса машинасының чегін ұсына отырып, қолма-қол ақшамен және (немесе) көрсетілетін қызметтерге ақы төлеу терминалдары арқылы; -төлем карточкаларын пайдаланып, төлемдерді жүзеге асыруға арналған жабдықты (құрылғыны) қолдана отырып жүзеге асырылатын тауарлар, жұмыстар, көрсетілетін қызметтер өткізілген;

2) есеп айырысулары электрондық ақшамен немесе электрондық төлем құралдарын пайдалана отырып жүзеге асырылатын тауарлар, жұмыстар, көрсетілетін қызметтер жеке тұлғаларға өткізілген;

3) жеке тұлғаға ұсынылған коммуналдық көрсетілетін қызметтер, байланыс қызметтері үшін есеп айырысулар екінші деңгейдегі банктер, пошта операторы арқылы жүзеге асырылған;

4) теміржол немесе әуе көлігімен жолаушыны тасымалдау қағаз жеткізгіштегі жол жүру билетімен, электрондық билетпен немесе электрондық жол жүру құжатымен ресімделген;

5) тауар дара кәсіпкер немесе жеке практикамен айналысатын адам болып табылмайтын жеке тұлғаға өтеусіз берілген;

6) Салық кодекстің 397-бабында көзделген қызметтер көрсетілген жағдайларда талап етілмейді.

       Жоғарыда жазылғандарға байланысты импортталған тауарларды өткізген жағдайда Салық кодексінің 412-бабы 13-тармағының 1) - 6) тармақшаларымен қарастырылған жағдайларда шот-фактураларды жазып беру талап етілмейді.

   Г.Шортанбаева,

Қызылорда облысы бойынша

Мемлекеттік кірістер департаментінің

басқарма басшысы