Департаменттің бір топ қызметкерлері «Азаматтарға арналған Үкімет» мемлекеттік корпорациясы ұжымына  баламалы түрде көрсетілетін мемлекеттік қызметтер бойынша оқу семинарын жүргізді. Онда негізінен жеке практикамен айналысатын адамды, салық төлеушілерді тіркеу, баламалы түрде көрсетілетін мемлекеттік қызметтер бойынша қызмет көрсетуден негізсіз бас таруды болдырмау жөнінде кеңінен түсіндірілді. Семинарды Департаменттің Мемлекеттік қызмет көрсету басқармасының басшысы М.Искакова жүргізе отырып, қызмет алушыларға мемлекеттік қызмет көрсету кезінде әуре-сарсаңдылықтың туындауын  болдырмау  мақсатында бір терезе қағидасын ұстану керек екендігін жеткізді. Сонымен қатар, Департамент қызметкерлері С.Айдарханова, Р.Жарқынбекұлы, Д.Алиевалар корпорация қызметкерлерінің жұмыс барысында кездесетін маңызды сұрақтарына жауап берді, биылғы Салық кодексіндегі өзгерістер мен толықтырулар жөнінде түсіндірме жасады.

         Аталған іс-шаралар жалғасын табатын болады.