Қызылорда облысы бойынша Мемлекеттік кірістер департаментінде, Қазақстан Республикасы Мемлекеттік қызмет істері және сыбайлас  жемқорлыққа  қарсы  іс-қимыл  агенттігінің Қызылорда облысы бойынша департаментімен бірлескен, «Кедендік төлемдерді төлеуге, оларды төлеуден жалтаруға болжанатын көлемді заңсыз төмендетуге қарсы іс-қимыл бойынша негізгі тәсілдер» тақырыбында, сыбайлас жемқорлықтың алдын алу іс-шарасы ретіндегі дөңгелек үстел отырысы  өткізілді.

           Дөңгелек үстелге Департаменттің кеден және Экономикалық тергеу қызметі салаларының қызметкерлері қатысты.

Дөңгелек үстел отырысын Департамент басшысының   орынбасары  Алмас Әбдімүтәліпұлы Әбжаппаров аша отырып, өткізіліп отырған іс-шараның мақсаты – сыбайлас жемқорлықтың алдын алу мен таралуын төмендету,  мемлекеттік қызметшілер арасында және бюджет қаржысының уақытылы түсуіне бақылау жүргізетін кедендік құрылымдарда сыбайлас жемқорлыққа жол бермеу екендігін түсіндірді.

Соған байланысты тақырып аясында ой-пікір тастай отырып, дөңгелек үстелде талдау, талқылау жүргізу үшін, Қазақстан Республикасы Мемлекеттік қызмет істері және сыбайлас  жемқорлыққа  қарсы  іс-қимыл  агенттігінің Қызылорда облысы бойынша департаментінің өкілі Бағдат Оразбекұлы Изкеновке сөз берілді.  

Өз сөзінде, Мемлекеттік бюджетті толтыруда, сондай-ақ ұлттық қауіпсіздікті қамтамасыз етуде кедендік құрылымдардың маңызы  жоғары. Бүгінігі таңда осы салада номенклатура, кедендік құн, тауарлардың саны мен салмағы және лауазымды тұлғаларды сатып алу туралы мәліметтердің бұрмалану проблемалары бар екендігіне тоқталды.

Одан кейін, күн тәртібіндегі  қаралып отырған тақырып аясындағы ой-пікір алмасулар мен талқылауға, Департаменттің тарифтік реттеу және пост-кедендік бақылау басқармасы Пост кедендік бақылау бөлімінің басшысы Рүстем Қалыбайұлы Бисенбаев, кедендік бақылау басқармасының басшысы Әли Кабиевич Майхиев, «Қызылорда-кедендік рәсімдеу орталығы» кеден бекеті басшысының                 орынбасары  Қайрат Тұрсынбайұлы Ердібаевтар қатысып, тақырып төңірегінде өздерінің ой-пікірлерін  білдірді.   

Дөңгелек үстелді қорытындылаған Департамент басшысының                                                               орынбасары  А. Әбжаппаров, жағымсыз элеуметтік-экономикалық факторлар кез  келген  мемлекетте  сыбайлас  жемқорлықтың пайда болуы,  өрістеуі және таратылуының себептері болып табылатындығына, кәсіпкерлік ортада жемқорлыққа қарсы мәдениетті тәрбие беру қажеттігіне, сыбайлас жемқорлықтың қарқынын барынша бәсеңдету үшін  - әкімшілік рәсімдерді жеңілдету мен , кедендік әкімшілендіруді жетілдіру, мемлекеттік қызмет көрсетулердің сапасын жақсарту екендігіне тоқталды.